Jaŋde : dokkitgol seedanteeje to Likseyba

0
2083

 Min kabriino on e Fooyre Ɓamtaare toŋ 52 marse 2008, wonde Catal Fedde Ɓamtaare Pulaar e Muritani to Likseyba heɓiino jokkondirde e Fedde winndereyankoore lollirnde FLM e catal jooɗingal to Kayhayɗi, laamorgo diiwaan Gorgol.

Jokkondiral ngal ko e yeeso haɓaade humambinnagu nde tawnoo ndee hare ko hare nde FƁPM seeraani e haɓeede gila 1974,

 Min kabriino on e Fooyre Ɓamtaare toŋ 52 marse 2008, wonde Catal Fedde Ɓamtaare Pulaar e Muritani to Likseyba heɓiino jokkondirde e Fedde winndereyankoore lollirnde FLM e catal jooɗingal to Kayhayɗi, laamorgo diiwaan Gorgol.

Jokkondiral ngal ko e yeeso haɓaade humambinnagu nde tawnoo ndee hare ko hare nde FƁPM seeraani e haɓeede gila 1974,

hitaande cosgol Fedde nde kam e darnde Catal Likseyba gila sosaa e hitaande 1980. Ko e nder ngaal jokkondiral FLM neldi kebloowo jannginooɓe ngam heblana catal ngal jannginooɓe mbele ina humpitoo laabi jannginirɗi e karallaagal janngingol e hol no duɗe ɗowretee. 

E maayirɗe lewru feebariyee, darorɗe mars 2008, heblo ngo yuɓɓinaa e Likseyba. Ko musiɗɗo Muusaa Jibi Taal ari e innde FLM ngam heblude jannginooɓe. Muusaa noon ko kebloowo ŋanaa, fanniyanke, kumpitiiɗo gollal mum, newiiɗo, nehiiɗo, neɗɗiiɗo, paamnoowo, muñanɗo paamnotooɗo. Ko oon ceerno Muusaa Jibi waɗi ɗo e Likseyba ñalɗi e banndum ngam heblude ɓeen jannginooɓe.

Ko caggal ngoon heblo duɗe jeegom udditaa ɗo e wuro he, ina njannga. Ko alkamiisa 12/11/09 dokkitgol seedanteeje waɗi to galle hooreejo catal Likseyba, hono Abuu Hammadi Dem. Ko worɓe 9 e rewɓe 14 ngoni jannginooɓe heblaaɓe, ndokkaa sedanteeje e oon kikiiɗe. Ardii dokkitgol seedanteeje ɗe ko hooreejo Catal Likseyba. Nde o ƴetti konngol o yettii no feewi Fedde FLM e catal mum jooɗingal to Kayhayɗi, o teeŋtini njettoor feewde e hooreejo catal fedde FLM to Kayhayɗi, hono sokna Huley Mboh, sabu darnde mum haa jokkondiral hakkunde pelle ɗiɗi ɗe waawi laataade haa jibini ɗee nafooje teeŋtuɗe, haa teeŋti noon e e ngooɗoo heblo, heblo seniingo, sibu dokkitgol ɗee seedanteeje yonii seede. Kanko hooreejo catal Likseyba o duwaniima ceerno Muusaa Jibi ɗownooɗo heblo ngo, tiiɗnii haa waɗi heen ganndal mum e muñal mum e katantaagal mum, haa ko dañaa heen ko dañaa. O yetti heblaaɓe ɓe e tiiɗnaare mum en, muñal mum en, haa mbaawi joofnude ngoo heblo sibu ko ngol woni gadanol ko hono ngal jokkondiral ina dañee e Catal he. Ko ngol woni go’o ko hono ngoo heblo e hono ɗee seedanteeje ina keɓee tuggi ko catal ngal sosaa haa jooni. Hooreejo catal Likseyba yejjitaani yettude darinooɓe gila hanki e Catal he, nduusi ɗum haa ko dañaa ko, dañaa heen. O joofniri duwanaade heɓɓe seedanteeje ɓe, yo njogoro jam e cellal.

Caggal ɗum, gooto kala tottaa seedantaagal mum gooto-gooto, kelle poɓɓi, ɓerɗe keewi weltaare e oo kikiiɗe naatɗo e daartol nguurndam catal Likseyba.

Abuu Aamadu Joop