Udditirgol

Banndiraaɓe feerotooɓe e lowre (sit) Fedde Ɓamtaare Pulaar e Muritani, bismilla mon.

Eɗen mbasiyoo feerotooɓe ɓe geɗe ɗiɗi :

-  go’o : so tawii ko feerorde ɓooynde (ko nanndi e Internet explorer 6 (IE6) walla ɓurɗo ɗum hiiɗɗude) on mbaawataa yiyde alkule kofe (ɗ, ɓ, ŋ, ƴ) ɗe binndol Pulaar heerorii ɗe : alaa sago, peeroro-ɗon ko nanndi e IE7 ko famɗi fof, walla Firefox, walla Google chrome, maa safari (Mac Os e Windows) ... nde njiyon ɗe no moƴƴi. E oo sahaa mo njahraten nii, yoga e peerorɗe, ina keptina alkule men ɗe, sibu mum en topeede e "Unicode " (maaɗe winndereyankooje).

-  ɗiɗi : so tawii njiɗ-ɗon ko winndunde e Pulaar, oɗon mbaawi huutoraade tappirde (clavier) Pulaar min topanii on. Oɗon mbaawi awtaade mo ɗo. Min kuutorii ko topirde (logiciel) Windows wiyeteende Microsoft Keyboard Layout Creator (MSKLC) taweteende e ooɗoo nokku. Oɗon mbaawi huutoriraade mo no njiɗir-ɗon, e min mbasiyii on nde caraton mo haa yaaja, alaa sarɗi min pawi heen. Gooto fof nii ina waawi tafande hoore mum tappirde yiɗi : so on njahii oon nokku min njoopanii on dow o, ina faamninaa heen no MSKLC huutorirtee. Wonande maaɗe alkule ɗe, amin kollita on no njiytirton ɗe e tesko winndaango e Farayse, wonngo les ɗo ngo.

E min ñaagii banndiraaɓe ɓe nde mbinndata e lowre he, walla nelda en binndanɗe mum e ooɗoo iimeel (e-mail) admin@pulaar.org. On jaaraama.

_______________________________

* Pour retrouver les codes des caractères, vous pouvez utiliser cette astuce : 
- ouvrir un fichier word
-  aller à « Insertion » puis choisir « Caractères spéciaux …. »
- choisir une police unicode ("Arial Unicode MS" ou "Lucida Sans Unicode" par exemple).
- Cliquer sur n’importe quel caractère, par exemple sur ‘§’ vous verrez à l’avant dernière ligne de votre boite de dialogue «Code de caractère : 00A7». Remarque : en face vous devez choisir l’option «Unicode (hexadécimal)».