OMVS ina felliti waɗde taaɓal

Uddo Manantali

Gila hanki, 31 mars 2008, wiɗtooɓe (annduɓe) ummoriiɓe e janngirɗe toowɗe (iniwersiteeji) leyɗe jeyaaɗe e Fedde Peewnugol Maayo Senegaal (OMƁS) nana ndenti e batu mawngu ngam yuurnitaade kuccam fedde nde. Ina jeyaa e payndaale nguuɗoo batu renndinngu annduɓe ummoriiɓe ɗum noon, Mali, Gine, Muritani e Senegaal,

« wallitde gostondiral gannde hakkunde leyɗe kuufɗe maayo ngo, wallitde golle wiɗto iniwerisiteeji mbaɗata yowitiingo e kuutoragol moƴƴol ngalu diƴƴe e sato e semmbinde e tafde moɓre wiɗtooɓe e sanɗaaji e Ooɗoo fannu ».Ngalɗoo dental ina foti kadi joofirde ciifgol nanondire gollondiral hakkunde Goomu ɗowoowu (Comité de pilotage) e Diiso anndeyankeewo (Conseil scientifiŋue). Ngam faamninde tigi rigi fayndaare nde, Mohamed Salem wul Mersuuk, gardiiɗo Fedde nde, hollitii wonde Fedde nde ina anniyii hesɗude mbele ina waawa yahdude e yonta hannde o.

E nder ɗuum Fedde nde fellitii tottude wiɗtooɓe ɓe ko ina wona 100 miliyoŋ kaalis seefaa (CFA) ; habri ɗum ko Habib Sy gardiiɗo Diiso jaagorɗo OMƁS. Ooɗoo kaalis, hay so yonaani ngam huuɓnude payndaale ɗe, ko fuɗɗoode moƴƴere.

Eɗen ciftina wonde Fedde OMƁS nde jibinaa ko e hitaande 1972, nde lomtii ko Fedde woɗnde, wiyetenoonde “Fedde Leyɗe Kuufɗe Maayo Senegaal” (Organisation des Etats riɓerains du Fleuɓe Sénégal (Oers)).

Bookara Aamadu Bah